საქველმოქმედო ღონისძიება ბავშვების ნამუშევრების გამოფენა-გაყიდვა

 ბავშვთა დაცვის საერთაშორისო დღეს, ფონდი „მომავლის გზაში“ გაიმართა ბავშვების ნამუშევრების გამოფენა-გაყიდვა, რომელმაც განსაკუთრებული ინტერესი და მოწონება დაიმსახურა.

ფონდის აღსაზრდელებმა დიდი მონდომებითა და სიყვარულით შექმნილი ნამუშევრები წარუდგინეს საზოგადოებას. თითოეული ნივთი უნიკალური იყო და ასახავდა ბავშვების შემოქმედებით ხედვასა და შინაგან სამყაროს.

ღონისძიების ფარგლებში მოწვეულ სტუმრებსა და ფონდის მეგობრებს მიეცათ შესაძლებლობა, დაეთვალიერებინათ გამოფენა და შეეძინათ მათთვის სასურველი ნამუშევრები. ეს არა მხოლოდ ბავშვებისთვის დიდი მოტივაცია იყო, არამედ მნიშვნელოვანი მხარდაჭერაც ფონდის საქმიანობისთვის.

გამოფენა-გაყიდვამ კიდევ ერთხელ აჩვენა, რამდენად ნიჭიერები და შემოქმედებითები არიან „მომავლის გზის“ ბავშვები და რამდენად მნიშვნელოვანია მათი მხარდაჭერა და წახალისება.