გასეირნება მთაწმინდის პარკში 2000წ

ზაფხულის ერთ-ერთი ყველაზე თბილი და დასამახსოვრებელი დღე „მომავლის გზის“ ბავშვებმა მთაწმინდის პარკში გაატარეს. ბატონმა დავით კინწურაშვილმა, ირმა სოხაძემ მარინა იზორიამ და  მამუკა ლომაშვილმა ბავშვებს განსაკუთრებული დღე აჩუქეს — ყურადღებით, სიყვარულითა და გულწრფელი ზრუნვით სავსე.

გასეირნების ფარგლებში ბავშვებმა მოინახულეს მთაწმინდის პანთეონი, სადაც პატივი მიაგეს ქვეყნისთვის ღვაწლმოსილი ცნობილი საზოგადო მოღვაწეების ხსოვნას. მათ მოვუყევით იმ ადამიანების ცხოვრებასა და გზაზე, რომლებმაც თავიანთი შრომით, ნიჭითა და თავდადებით საქართველოს ისტორია შექმნეს. ეს იყო შესაძლებლობა, ბავშვებს უფრო ღრმად ეგრძნოთ და გაეაზრებინათ ჩვენი წინაპრების წინაშე პასუხისმგებლობა და ეროვნული მეხსიერების მნიშვნელობა.

დღის განსაკუთრებულ ემოციას საღამოს ბატონი გივი ბერიკაშვილი და კახი კავსაძე შემოუერთდნენ. მათ ბავშვებს საკუთარი ცხოვრების საინტერესო და გულწრფელი ისტორიები გაუზიარეს, ბევრი გაახალისეს, გააცინეს და დაუვიწყარი ემოციები აჩუქეს.

ეს დღე ბავშვებისთვის მხოლოდ გასეირნება არ ყოფილა — ეს იყო სითბოთი, ცოდნითა და ადამიანური ურთიერთობით სავსე გამოცდილება, რომელიც დიდხანს დარჩება მათ გულებში და მოგონებებში